51²è¹Ý

Mae angen ichi gael llyfr log (V5CW) os yw’r un wreiddiol ar goll, wedi’i ddwyn, ei ddifetha neu ei ddinistrio gennych chi neu’ch cwmni yswiriant.

Gallwch gael V5CW ddyblyg ar-lein neu dros y ffôn os gall y manylion yn y V5CW aros yr un fath. Bydd y V5CW yn cael ei phostio i’r cyfeiriad sydd gan y DVLA ar gofnod y cerbyd.

Gallwch drethu eich cerbyd ar-lein ar ôl gwneud cais am V5CW ddyblyg.

Mae ffyrdd eraill o gael V5CW os oes angen newid unrhyw beth yn y V5CW. Er enghraifft, os:

• yw’ch enw neu’ch cyfeiriad wedi newid
• yw manylion y cerbyd wedi newid
• rydych wedi prynu, gwerthu neu drosglwyddo cerbyd
• na chawsoch V5CW gyda’ch cerbyd newydd

Gwneud cais ar-lein am V5CW ddyblyg

Rhaid ichi fod y ceidwad cofrestredig ar y V5CW i wneud cais ar-lein.

Byddwch yn derbyn eich V5CW o fewn 5 diwrnod gwaith fel arfer.

Cysylltwch â DVLA os nad ydych wedi derbyn eich V5CW ac mae wedi bod yn 2 wythnos ers ichi wneud cais.

Pan na allwch ddefnyddio’r gwasanaeth hwn

Ni allwch ddefnyddio’r gwasanaeth hwn os:

• oes angen ichi newid unrhyw un o’ch manylion
• nad yw’r cerbyd yn eich meddiant
• rydych eisoes wedi anfon eich V5CW i DVLA er mwyn iddynt wneud newidiadau
• yw’ch cerbyd wedi’i gofrestru fel rhan o gynllun fflyd DVLA
• yw’ch cerbyd wedi’i gofrestru dramor, gan gynnwys Ynysoedd y Sianel (Jersey a Guernsey), Ynys Manaw neu Iwerddon

Faint yw’r gost

Mae’r gwasanaeth fel arfer yn costio £25. Gallwch dalu drwy gerdyn debyd neu gredyd.

Ni allwch gael ad-daliad ar ôl ichi ddefnyddio’r gwasanaeth (er enghraifft os ydych yn dod o hyd i’ch V5CW yn ddiweddarach).

Gwneud cais ar-lein

Bydd arnoch angen:

• rhif cofrestru’r cerbyd
• rhif adnabod (VIN) y cerbyd neu rif siasi y cerbyd
• yr enw a chod post sydd wedi’u cofrestru ar eich V5CW

Gwneud cais am V5CW ddyblyg dros y ffôn

Gallwch wneud cais dros y ffôn os mai chi yw’r ceidwad cofrestredig ar y V5CW sydd wedi mynd ar goll neu wedi’i difetha.

Ni allwch wneud cais dros y ffôn os bydd unrhyw un o’ch manylion neu fanylion eich cerbyd wedi newid. Ni ddylai’r manylion fod yn wahanol i’r wybodaeth yn y V5CW sydd ar goll neu wedi’i difetha.

Bydd arnoch angen:

• rhif cofrestru’r cerbyd
• rhif adnabod (VIN) y cerbyd neu rif siasi y cerbyd
• yr enw a chod post sydd wedi’u cofrestru ar eich V5CW

Cysylltwch â DVLA dros y ffôn i wneud cais.

Fel arfer byddwch yn derbyn eich V5CW ar ôl 4 wythnos os byddwch yn gwneud cais fel hyn. Cysylltwch â DVLA os nad ydych wedi derbyn eich V5CW ac mae wedi bod yn 4 wythnos ers ichi wneud cais.

Os nad ydych wedi derbyn eich V5CW ar ôl 6 wythnos ac nad ydych wedi rhoi gwybod i DVLA, bydd rhaid ichi dalu £25 i gael un amnewid.

Mae ffyrdd eraill o gael llyfr log (V5CW) newydd os:

• yw’ch enw neu’ch cyfeiriad wedi newid
• rydych wedi prynu, trosglwyddo neu werthu cerbyd

Dylech wneud cais drwy’r post os oes angen ichi newid manylion y cerbyd.

Byddwch yn derbyn eich V5CW o fewn 4 wythnos fel arfer os ydych yn gwneud cais drwy’r post.

Cysylltwch â DVLA os nad ydych wedi derbyn eich V5CW ac mae wedi bod yn 4 wythnos ers ichi wneud cais.

Gwneud cais drwy’r post am V5CW amnewid

1. Lawrlwytho a llenwi cais am V5CW (ffurflen V62W).

2. Anfon i DVLA gyda siec neu archeb bost am £25 yn daladwy i ‘DVLA, Abertawe’.

Os na chawsoch V5CW am eich cerbyd newydd

1. Lawrlwytho a llenwi cais am V5CW (ffurflen V62W).

2. Anfon i DVLA gyda’r slip ‘ceidwad newydd’ gwyrdd a roddwyd ichi gan y gwerthwr.

Mae angen i’r slip ceidwad newydd fod o’r V5CW ddiweddaraf. Gwiriwch fod y dyddiad ar y slip yn cyfateb i’r dyddiad cyhoeddi V5CW olaf ar y gwasanaeth ymholiad cerbyd os nad ydych yn siŵr.

Os nad oes gennych V5CW ac rydych wedi cymryd eich cerbyd y tu allan i’r DU

Cysylltwch ag awdurdod gyrru’r wlad rydych wedi cymryd y cerbyd iddi. Byddant yn dweud wrthych sut i gofrestru’r cerbyd heb V5CW.

Anfonwch lythyr i DVLA i roi gwybod iddynt eich bod wedi cymryd y cerbyd y tu allan i’r wlad. Bydd angen cynnwys:

• eich enw a chyfeiriad
• y dyddiad roeddech wedi cymryd y cerbyd y tu allan i’r wlad
• ble mae DVLA yn gallu anfon yr ad-daliad treth cerbyd os oes gennych hawl i un

Os oes angen ichi drethu’ch cerbyd hefyd

Efallai y byddwch yn gallu trethu’ch cerbyd yn Swyddfa’r Post a gwneud cais am V5CW ar yr un pryd.

1. Cwblhau cais am V5CW (ffurflen V62W).

2. Cymryd y ffurflen wedi’i chwblhau a £25 i gangen sy’n delio â threth cerbyd.

cyn ichi deithio.