Ymweld â rhywun yn y carchar

Defnyddiwch y gwasanaeth hwn i drefnu ymweliad cymdeithasol â charcharor yng Nghymru neu Loegr. Gallwch drefnu ymweliad i chi eich hun neu i rywun arall.

Mae yna ffordd wahanol i drefnu neu .

Mae’r gwasanaeth hwn hefyd ar gael yn Saesneg.

I ddefnyddio’r gwasanaeth hwn, mae arnoch angen y canlynol:

  • dyddiadau geni’r holl ymwelwyr
  • dyddiad geni’r carcharor
  • rhif y carcharor
  • lleoliad y carchar

Gallwch wneud cais i ganfod lleoliad carcharor os nad ydych yn gwybod ym mha garchar maent.

Rhaid i’r carcharor ychwanegu unrhyw ymwelwyr i’w restr ymwelwyr cyn y gallwch wneud cais am ymweliad. Gall hyn gymryd hyd at bythefnos.

Trefnu ymweliad â charchar

Ymweliadau na allwch eu trefnu drwy’r gwasanaeth hwn

Byddwch angen (yn Saesneg) os ydych yn trefnu ymweliad ag un o’r carchardai canlynol:

  • Drake Hall (CEF a STI)
  • Erlestoke (CEF)
  • Foston Hall (CEF a STI)

Cysylltwch â’r carchar yn uniongyrchol os ydych angen trefnu unrhyw un o’r canlynol:

  • ymweliadau cyfreithiol, er enghraifft gweithwyr proffesiynol yn trafod achos y carcharor
  • ymweliadau cychwynnol, er enghraifft, yr ymweliad cyntaf â’r carcharor o fewn 72 awr o’r carcharor yn cyrraedd y carchar
  • ymweliadau dwbl, er enghraifft, ymweld am 2 awr yn lle 1
  • ymweliadau diwrnod teulu - digwyddiadau arbennig i deuluoedd y mae’r carchar yn eu trefnu

Cymorth gyda chostau ymweld â’r carchar

Efallai y gallwch gael cymorth gyda chostau ymweld â’r carchar os ydych yn derbyn budd-daliadau penodol neu os oes gennych dystysgrif iechyd.