51²è¹Ý

Mae angen i chi wneud yn siŵr bod eich holl ffynonellau trethadwy eraill o incwm neu enillion ar gyfer y flwyddyn wedi’u cynnwys yn eich meddalwedd sy’n cydweddu.

Ar gyfer Troi Treth yn Ddigidol ar gyfer Treth Incwm, byddwch chi a CThEF yn ychwanegu gwybodaeth wahanol am eich ffynonellau eraill o incwm. Mae angen i chi wirio bod yr holl wybodaeth sydd wedi’i hychwanegu’n gywir.

Gwybodaeth y bydd CThEF yn ei hychwanegu

Os oes gan CThEF wybodaeth yn barod am eich ffynonellau eraill o incwm ac enillion, byddwn yn ychwanegu hon at eich Ffurflen Dreth. Mae hyn yn cynnwys:

• incwm o gyflogaeth (TWE)
• ad-daliadau benthyciadau myfyrwyr
• incwm o bensiwn y Wladwriaeth, pensiwn preifat a phensiwn galwedigaethol
• budd-daliadau trethadwy eraill y Wladwriaeth
• Cynllun y Diwydiant Adeiladu (CIS) — didyniadau is-gontractwr
• Gwaredu eiddo preswyl at ddiben Treth Enillion Cyfalaf
• Hawliadau am Lwfans Priodasol

Ar ôl i CThEF ychwanegu’r wybodaeth hon, gallwch ddod o hyd iddi yn y naill neu’r llall o’r canlynol:

• eich meddalwedd sy’n cydweddu, pan fyddwch yn gofyn i’r feddalwedd am gyfrifiad
• eich cyfrif gwasanaethau ar-lein CThEF

Yr wybodaeth y byddwch chi’n ei hychwanegu

Mae’n dal i fod angen i chi ychwanegu ffynonellau eraill o incwm at eich Ffurflen Dreth os nad ydych wedi’u hychwanegu yn ystod y flwyddyn dreth a bod angen i chi eu datgan. Er enghraifft:

• cynilion a difidendau
• unrhyw enillion neu incwm arall sydd heb eu hychwanegu’n awtomatig

Mae angen i chi ychwanegu’r wybodaeth hon cyn i chi gyflwyno’ch Ffurflen Dreth.

Os oes rhywbeth yn anghywir neu fod angen i chi ddiweddaru’r wybodaeth, gallwch ychwanegu’r wybodaeth gywir a bydd hyn yn disodli’r wybodaeth flaenorol.

Dim ond pan fyddwch chi wedi cyflwyno’ch Ffurflen Dreth y bydd eich gwybodaeth yn cael ei thrin fel gwybodaeth derfynol.

Mae angen i chi gyflwyno’ch Ffurflen Dreth drwy feddalwedd sy’n cydweddu â’r cynllun Troi Treth yn Ddigidol ar gyfer Treth Incwm. 

Mae angen i chi gadarnhau’r canlynol yn eich meddalwedd:

• eich bod yn barod i gyflwyno’ch Ffurflen Dreth
• eich bod yn cytuno â’r cyfrifiad y mae’ch meddalwedd wedi nodi am y dreth sy’n ddyledus

Bydd hefyd angen i chi ddatgan bod yr wybodaeth a roddwyd gennych yn gywir ac yn gyflawn hyd eithaf eich gwybodaeth.

1. Ewch i’ch meddalwedd a chadarnhau eich bod yn barod i gyflwyno’ch Ffurflen Dreth.

2. Edrychwch dros y cyfrifiad yn eich meddalwedd sy’n dangos faint o dreth sy’n ddyledus.

3. Gwiriwch fod y cyfrifiad yn gywir.

4. Cyflwynwch eich Ffurflen Dreth drwy ddatgan bod eich gwybodaeth a’r cyfrifiad yn gywir.

Byddwch wedyn yn gweld neges yn eich meddalwedd i ddweud bod eich Ffurflen Dreth wedi’i chyflwyno.

Bydd angen i chi gyflwyno Ffurflen Dreth eich cleient drwy’ch meddalwedd sy’n cydweddu â’r cynllun Troi Treth yn Ddigidol ar gyfer Treth Incwm.

Os yw’ch cleient wedi cyflwyno’i ddiweddariadau chwarterol ei hun neu wedi ychwanegu ffynonellau eraill o incwm, gallwch weld y rhain yn eich meddalwedd.

Pan fyddwch wedi ychwanegu holl incwm ac enillion eich cleient, byddwch yn barod i gyflwyno’i Ffurflen Dreth.

1. Ewch i’ch meddalwedd a chadarnhau eich bod yn barod i gyflwyno Ffurflen Dreth eich cleient.

2. Edrychwch dros y cyfrifiad yn eich meddalwedd sy’n dangos faint o dreth sy’n ddyledus.

3. Gwiriwch fod y cyfrifiad yn gywir.

4. Rhannwch gopi o’r cyfrifiad â’ch cleient a chadarnhau ei fod yn cytuno â’r cyfrifiad.

5. Cyflwynwch Ffurflen Dreth eich cleient drwy ddatgan bod yr wybodaeth a’r cyfrifiad yn gywir hyd eithaf eich gwybodaeth.

Byddwch wedyn yn gweld neges yn eich meddalwedd i ddweud bod Ffurflen Dreth eich cleient wedi’i chyflwyno.

Dylech wirio’r wybodaeth rydych wedi’i hychwanegu at eich meddalwedd. Os oes gwall, gallwch ei gywiro yn eich meddalwedd cyn cyflwyno’ch Ffurflen Dreth.

Os na fydd eich meddalwedd yn rhoi cyfrifiad i chi pan fyddwch yn gofyn am hynny, mae yna wall. Dylai’ch meddalwedd esbonio beth i’w wneud nesaf. Os na fydd hi’n gwneud hyn, cysylltwch â’ch darparwr meddalwedd am gymorth.

Os ydych yn gwirfoddoli i brofi’r cynllun Troi Treth yn Ddigidol ar gyfer Treth Incwm

Wrth i chi gyflwyno’ch Ffurflen Dreth, os byddwch yn anghytuno â’r cyfrifiad y mae’ch meddalwedd yn ei ddangos, gallwch gysylltu â’r tîm cymorth i gwsmeriaid penodedig am help.

Efallai eich bod yn gwirfoddoli i brofi’r gwasanaeth cyn 6 Ebrill 2026.

Os nad yw’ch meddalwedd bresennol yn gallu cyflwyno’ch ffynonellau eraill o incwm, gofynnwch i’ch darparwr meddalwedd a fydd yn ychwanegu’r gallu hwn at eich meddalwedd sy’n cydweddu, a phryd y bydd yn gwneud hyn.

Os nad yw’n ychwanegu’r swyddogaeth hon neu os na fydd hon yn ei le cyn i chi gyflwyno’ch Ffurflen Dreth, gallwch naill ai:

• dewis meddalwedd ychwanegol neu feddalwedd arall sy’n cydweddu a fydd yn gallu cyflwyno’ch ffynonellau eraill o incwm
• cysylltu â’r tîm cymorth penodedig ar gyfer Troi Treth yn Ddigidol ar gyfer Treth Incwm

Os oes angen i chi gywiro neu gynnwys rhywbeth arall, gallwch ddiwygio eich ffurflen dreth.

Bydd y wybodaeth a roddwch i CThEM yn creu eich bil treth Hunanasesiad ar gyfer y flwyddyn dreth honno.

Ni fydd y cynllun Troi Treth yn Ddigidol ar gyfer Treth Incwm yn newid y ffordd rydych yn talu treth na’r dyddiadau cau ar gyfer taliadau. Os na fyddwch yn talu’ch bil treth Hunanasesiad erbyn y dyddiadau cau perthnasol, byddwch yn agored i dalu cosb am dalu’n hwyr.