51²è¹Ý

Os ydych yn cael Credyd Cynhwysol ac angen help i dalu’ch biliau neu dalu costau eraill, efallai y byddwch yn gallu cael taliad ymlaen llaw neu daliad caledi.

Mae’r canllaw hwn hefyd ar gael yn Saesneg

Bydd y rhain yn cael eu talu i chi cyn eich taliad Credyd Cynhwysol nesaf. Byddwch fel arfer yn eu talu’n ôl yn awtomatig trwy eich taliadau Credyd Cynhwysol rheolaidd.

Mae faint y gallwch ei gael yn dibynnu ar eich amgylchiadau ac am beth rydych angen yr arian.

Mae enghreifftiau o’r hyn y gallwch gael taliad ymlaen llaw amdano yn cynnwys:

• costau byw cyn i chi gael eich taliad cyntaf
• costau byw hanfodol os ydych wedi cael eich sancsiynu
• costau gwaith neu gyfweliad swyddÌý
• costau brys yn y cartref
• costau angladd

Os ydych angen help i dalu eich biliau neu dalu costau eraill cyn i chi gael eich taliad Credyd Cynhwysol cyntaf, gallwch wneud cais i gael taliad ymlaen llaw.

Mae’r swm y gallwch ei gael yn dibynnu ar eich amgylchiadau. Y mwyaf y gallwch ei gael yw swm eich taliad amcangyfrifedig cyntaf.

Sut i wneud cais

Byddwch angen:

• egluro pam rydych angen taliad ymlaen llaw
• dilysu eich hunaniaeth (byddwch yn gwneud hyn pan fyddwch yn gwneud cais ar-lein neu dros y ffôn gydag anogwr gwaith)
• darparu manylion cyfrif banc ar gyfer y taliad ymlaen llaw (siaradwch â chyswllt Credyd Cynhwysol yn eich canolfan gwaith leol neu’ch anogwr gwaith os na allwch agor cyfrif)
• egluro am unrhyw arian neu gynilion sydd gennych

I wneud cais, gallwch:

• ddiweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Fel arfer byddwch yn cael gwybod yr un diwrnod os gallwch gael taliad ymlaen llaw.

Os ydych angen help

Ffoniwch linell gymorth Credyd Cynhwysol os ydych angen help i wneud cais am daliad ymlaen llaw.

Talu’n ôl eich taliad ymlaen llaw

Fel arfer, mae’n rhaid i chi dalu’r taliad ymlaen llaw o fewn 24 mis. Fel arfer, rydych yn dechrau ei dalu’n ôl allan o’ch taliad cyntaf.

Enghraifft

Os ydych yn cael trafferth ad-dalu taliad ymlaen llaw

Os na allwch fforddio eich ad-daliadau taliad ymlaen llaw, gallwch ofyn i’ch ad-daliadau gael eu gohirio am 3 mis. I ofyn am hyn, gallwch:

• ddiweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Ad-dalu os nad ydych yn hawlio Credyd Cynhwysol mwyach

Os nad ydych yn hawlio Credyd Cynhwysol mwyach, bydd angen i chi dalu eich taliad ymlaen llaw yn ôl.

Os ydych yn symud i fudd-dal arall, bydd y didyniadau fel arfer yn parhau o’ch taliadau.

Os ydych yn symud oddi ar fudd-daliadau, bydd Rheoli Dyled y DWP yn cysylltu i drafod ei ad-dalu. Os ydych am drafod eich ad-daliadau, gallwch ffonio Rheoli Dyled y DWP.

Gellir stopio neu leihau eich taliadau Credyd Cynhwysol os ydych yn cael sancsiwn neu gosb twyll.

Os bydd hyn yn digwydd, efallai y byddwch yn gallu cael cymorth ariannol i’ch helpu chi (neu blentyn neu berson ifanc rydych yn gofalu amdanynt) i fforddio:

• bwyd
• gwresogi
• hylendid (er enghraifft sebon, cewynnau neu bowdr golchi dillad)
• costau tai nad ydynt yn cael eu darparu gan Gredyd Cynhwysol (fel tai â chymorth, tai cysgodol neu dai dros dro)

Gelwir y cymorth yn ‘daliad caledi adferadwy’. Bydd angen i chi dalu hyn yn ôl trwy eich taliadau Credyd Cynhwysol yn y dyfodol.

Cymhwyster

Rhaid i chi:

• fod wedi lleihau eich costau sydd ddim yn hanfodol
• fod wedi edrych ar ffyrdd eraill o gael cymorth
• gallu profi eich bod angen y gefnogaeth

Os ydych mewn cwpl, mae’n rhaid i’r ddau ohonoch gytuno i gael taliad caledi.

Mae yna reolau ychwanegol os ydych wedi cael eich sancsiynu.

Os ydych chi wedi cael eich sancsiynu

Mae’n rhaid i chi fod wedi cael eich sancsiynu ar 100% (neu 50% neu fwy ar gyfer cwpl) o’ch lwfans safonol am unrhyw gyfnod o amser.

Rhaid i chi (a’ch partner os oes gennych un) hefyd fod wedi cwblhau:

• eich gofynion sy’n gysylltiedig â gwaith yn y 7 diwrnod cyn gwneud cais
• unrhyw weithgareddau a roddwyd i chi i ddod â’ch sancsiwn i ben (a elwir weithiau’n ‘amod cydymffurfio’)

Pryd y gallwch chi wneud cais

Gallwch ond gwneud cais ar ôl i chi gael taliad Credyd Cynhwysol is neu fethu taliad oherwydd sancsiwn neu gosb.

Bydd angen i chi ailymgeisio bob tro y byddwch yn cael taliad is neu’n methu taliad. Bydd angen i chi hefyd ddangos eich bod yn dal i fod yn gymwys.

Sut i wneud cais

Pan fyddwch yn gwneud cais, bydd angen i chi ddangos:

• beth rydych wedi’i wneud i ddod o hyd i fathau eraill o gymorth
• pa incwm neu gynilion eraill y gallai fod gennych i helpu i dalu eich costau
• beth rydych wedi’i wneud i leihau eich costau sydd ddim yn hanfodol
• pa gostau byw rydych yn methu eu fforddio

I wneud cais, gallwch:

• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ddiweddaru eich dyddlyfr yn eich cyfrif Credyd Cynhwysol
• ffonio llinell gymorth Credyd Cynhwysol

Pryd y byddwch yn cael eich taliad

Os derbynnir eich cais, mae taliadau caledi fel arfer yn cael eu talu’n uniongyrchol i’ch cyfrif banc ar yr un diwrnod.

Ad-dalu taliadau caledi

Bydd angen i chi dalu taliad caledi yn ôl ar ôl i’ch sancsiwn neu gosb twyll ddod i ben.

Bydd eich taliad Credyd Cynhwysol yn cael ei leihau’n awtomatig hyd at 15% o’ch lwfans safonol nes i chi ad-dalu’r taliad caledi.

Gallwch edrych i weld faint sy’n ddyledus gennych a gweld pryd y bydd yn cael ei dalu’n ôl.

Ad-dalu os nad ydych yn hawlio Credyd Cynhwysol mwyach

Os nad ydych yn hawlio Credyd Cynhwysol mwyach, bydd Rheoli Dyled y DWP (Adran Gwaith a Phensiynau) yn cysylltu i drafod ei ad-dalu ar gyfradd fforddiadwy.

Os ydych yn cael trafferth ad-dalu taliad caledi

Os na allwch fforddio eich didyniadau taliadau caledi, gallwch ffonio Rheoli Dyled y DWP i drafod eich opsiynau.

Efallai y byddwch yn gallu cael Taliad Cyllidebu Ymlaen Llaw i helpu gyda phethau fel:

• costau brys yn y cartref fel ailosod popty wedi torri
• arian sydd ei angen i gael swydd neu aros mewn gwaith
• costau angladd

Beth allwch chi ei gael

Bydd yr hyn a gewch yn dibynnu ar faint rydych ei angen. Y swm lleiaf y gallwch ei fenthyg yw £100. Gallwch gael hyd at:

• £348 os ydych yn sengl
• £464 os ydych yn rhan o gwpl
• £812 os oes gennych blant

Cymhwysedd

I gael Taliad Cyllidebu Ymlaen llaw, byddwch angen naill ai:

• wedi bod yn cael Credyd Cynhwysol, Lwfans Cyflogaeth a Chymorth, Cymhorthdal Incwm, Lwfans Ceisio Gwaith neu Gredyd Pensiwn y Wladwriaeth am 6 mis neu fwy
• angen yr arian i’ch helpu chi i ddechrau swydd newydd neu aros yn y gwaith

Ni fyddwch yn gymwys os naill ai:

• rydych wedi ennill mwy na £2,600 (£3,600 gyda’ch gilydd i gyplau) yn ystod y 6 mis diwethaf
• nad ydych wedi talu unrhyw fenthyciadau Taliadau Cyllidebu Ymlaen Llaw blaenorol (gallwch ond cael un ar y tro)

Sut i wneud cais

I wneud cais, gallwch wneud unrhyw un o’r canlynol:

• diweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Talu’n ôl eich taliad ymlaen llaw

Byddwch yn talu’n ôl eich taliad ymlaen llaw trwy eich taliadau Credyd Cynhwysol. Byddwch fel arfer yn ei dalu’n ôl dros 24 mis, gan ddechrau o’ch taliad Credyd Cynhwysol nesaf.

Os ydych yn cael trafferth ad-dalu taliad ymlaen llaw

Os na allwch fforddio eich ad-daliadau taliad ymlaen llaw, gallwch ofyn i’r swm rydych yn ei dalu i gael ei newid. I wneud hyn, gallwch:

• ddiweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Ad-dalu os nad ydych yn hawlio Credyd Cynhwysol mwyach

Os nad ydych yn hawlio Credyd Cynhwysol mwyach, bydd angen i chi dalu eich taliad ymlaen llaw yn ôl.

Os ydych yn symud i fudd-dal arall, bydd y didyniadau fel arfer yn parhau o’ch taliadau.

Os ydych yn symud oddi ar fudd-daliadau, bydd Rheoli Dyled y DWP yn cysylltu i drafod ei ad-dalu. Os ydych am drafod eich ad-daliadau, gallwch ffonio Rheoli Dyled y DWP.

Os ydych yn gwneud cais am swydd neu’n dechrau swydd, gallwch gael cymorth i dalu am dreuliau fel:

• prynu gwisg neu offer
• talu am ofal plant cyn eich cyflog cyntaf
• teithio i gyfweliad
• prynu dillad ar gyfer cyfweliad

Nid oes angen i chi dalu hyn yn ôl fel arfer.

Sut i wneud cais

I wneud cais, gallwch:

• ddiweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith

Bydd angen i chi ddangos eich bod:

• angen yr arian i gael neu ddechrau swydd
• yn methu fforddio talu amdano eich hun

Os yw’ch amgylchiadau wedi newid ac mae hyn yn golygu y byddwch yn gymwys i gael mwy o arian, gallwch wneud cais am daliad ymlaen llaw. Er enghraifft, efallai y byddwch yn gallu cael taliad ymlaen llaw os:

• rydych yn cael plentyn
• mae eich rhent yn mynd i fyny
• rydych wedi colli swydd neu mae eich cyflog wedi mynd lawr

Pryd allwch chi wneud cais

Gallwch wneud cais cyn gynted ag y byddwch wedi rhoi gwybod am y newid.

Ni allwch wneud cais ar ôl i chi dderbyn taliad uwch oherwydd eich newid mewn amgylchiadau.

Sut i wneud cais

I wneud cais, gallwch wneud unrhyw un o’r canlynol:

• diweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Talu yn ôl eich taliad ymlaen llaw

Byddwch yn talu’ch taliad ymlaen llaw yn ôl trwy eich taliadau Credyd Cynhwysol. Byddwch fel arfer yn ei dalu’n ôl dros 6 mis, gan ddechrau o’ch taliad Credyd Cynhwysol nesaf.

Os ydych yn cael trafferth ad-dalu taliad ymlaen llaw

Os na allwch fforddio eich ad-daliadau taliad ymlaen llaw, gallwch ofyn i’ch ad-daliadau gael eu gohirio am un mis. I ofyn am hyn, gallwch:

• ddiweddaru eich dyddlyfr yn eich cyfrif Credyd Cynhwysol
• gofyn i gyswllt Credyd Cynhwysol yn eich canolfan gwaith leol neu’ch anogwr gwaith
• ffonio llinell gymorth Credyd Cynhwysol

Ad-dalu os nad ydych yn hawlio Credyd Cynhwysol mwyach

Os nad ydych yn hawlio Credyd Cynhwysol mwyach, bydd angen i chi dalu eich taliad ymlaen llaw yn ôl.

Os ydych yn symud i fudd-dal arall, bydd y didyniadau fel arfer yn parhau o’ch taliadau.

Os ydych yn symud oddi ar fudd-daliadau, bydd Rheoli Dyled y DWP yn cysylltu i drafod ei ad-dalu. Os ydych am drafod eich ad-daliadau, gallwch ffonio Rheoli Dyled y DWP.